Kifungu 137. Sifa za Kimsingi za Kuchaguliwa na Kutochaguliwa kwa Rais

(1) Mtu anastahili kupendekezwa kuwa mgombeaji wa urais iwapo–

• (a) ni raia kwa kuzaliwa;
• (b) amehitimu kugombea uchaguzi kama mbunge;
• (c) ameteuliwa na chama cha kisiasa au ni mgombeaji wa kujitegemea; na
• (d) ameteuliwa na wapigakura wasiopungua elfu mbili kutoka kwa kila kaunti zilizo nyingi.

(2) Mtu hastahili kuteuliwa kuwa mgombea urais iwapo–

• (a) anawajibikia taifa la kigeni;
• (b) ni afisa wa umma, anayeshikilia afisi yoyote ya Serikali au nyingine ya umma;

(3) Ibara ya (2) (b) haitatumika kwa–

• (a) Rais;
• (b) Naibu wa Rais; au
• (c) mbunge.