Kifungu 41. Mahusiano ya Kikazi

(1) Kila mtu ana haki ya kanuni sawa za kikazi.

(2) Kila mfanyakazi ana haki ya–

• (a) kulipwa ipasavyo;
• (b) mazingira ya kufaa ya kufanyia kazi;
• (c) kuunda, kujiunga au kushiriki katika shughuli na mipango ya vyama vya wafanyakazi; na
• (d) kugoma.

(3) Kila mwajiri ana haki ya–

• (a) kuunda au kujiunga na vyama vya waajiri; na
• (b) kushiriki katika shughuli na mipango ya vyama vya waajiri.

(4) Kila chama cha wafanyakazi na vyama vya waajiri vina haki ya–

• (a) kuamua usimamizi wake, mipango na shughuli zake;
• (b) kupanga; na
• (c) kuunda na kujiunga na shirikisho.

(5) Kila chama cha wafanyakazi, muungano wa wajiri na mwajiri wana haki ya kushiriki katika maafikiano ya pamoja.