Kifungu 209. Mamlaka ya Kutoza Kodi na Ushuru
Serikali ya kitaifa na serikali za kaunti zina mamlaka ya kutoza kodi na ushuru.
Sura ya Kumi na Mbili - Sehemu ya 3. Nguvu za Kuzalisha Mapato na Deni la Umma
Kifungu 210. Kutoza Ushuru
Hakuna kodi yoyote au malipo ya leseni yanayoweza kuondolewa au kubadilishwa ila kwa mujibu wa sheria.
Kifungu 211. Ukopaji wa Serikali ya Kitaifa
Bunge kupitia kwa sheria, linaweza kueleza hali ambazo serikali ya kitaifa inaweza kukopa na kuweka kanuni za kutoa taarifa.
Kifungu 212. Ukopaji wa Kaunti
Serikali ya kaunti inaweza kukopa iwapo Serikali ya kitaifa itadhamini mkopo huo na baraza la serikali hiyo ya kaunti limeidhinisha.
Kifungu 213. Udhamini wa Mikopo na Serikali ya Kitaifa
Sheria ya Bunge itawekea kanuni na masharti ambayo kwayo serikali ya kitaifa inaweza kudhamini mikopo.
Kifungu 214. Deni la Umma
Deni la Umma linamaanisha madeni yote yanayohusisha mikopo, dhamana na amana iliyotolewa au kudhaminiwa na serikali ya kitaifa.